悼開心樹

我喜歡這裏，因為有這開心樹！
穿紅衣的我第一次在這裏走過，本來自稱利瑪竇，終改稱紅魔鬼。
第二次深夜從這裏離開，開心樹享受着綠燈光的景仰。
第三次匆匆橫過這裏，找馮平山先生借書去。
第四次穿紫色衣服像個嬰兒般盤坐在木椅上，停一停，等候我至今的經典，枯葉喀嚓抗議，停半停也不可以。
第五次拿着黑皮燙金字封面的論文，準備交給馮平山先生，與肥老說再見。
開心樹！懂你的Cappucci, Tiffany, Oliver都陸逐離去，人會變，情會厭，從沒甚麼保險。
你不用訝異，既然被蟲蝕到這樣了，便當斂裳消逝。

~~~~~~~~~~~~~~~~~~~~~~~~~~~~~~
40歲大樹失救 港大「揮淚斬石栗」
(明報)2009年6月27日 星期六 05:05
【明報專訊】香港大學 中山廣場一棵逾40歲嘅石栗，有成4、5層樓高，都算港大地標之一。不過，樹木專家、港大地理系講座教授詹志勇噚日同Emily講咗個壞消息，就係棵樹因為受真菌入侵，經過多月治療都搞唔掂，嚴重腐爛，噚日要忍痛斬咗佢。
詹教授話，3月時已發現棵石栗嘅腳有真菌入侵，出咗啲菇菇，多月來又探測又打針，日前終告「搶救無效」。佢話擔心颱風逼近，棵樹隨時會倒塌，為避免人命損失，只好「揮淚斬石栗」。詹教授好傷心，佢話棵石栗由佢讀書到家喺港大工作，已陪伴咗佢30年。
不過詹教授同時宣布一個喜訊，佢建議喺石栗附近、即中山廣場嘅中央位置種一棵全亞洲最靚、有粉紅色花嘅「節果決明」。佢話呢種樹可生長至15米高、樹冠15米闊，樹頂嘅花盛開時好似一把大嘅太陽傘。呢棵節果決明將成為港大嘅新地標。詹教授話，由於由樹苗開始種起，大家可能要畀少少耐性，等多十幾年先見到呢把「太陽傘」喇。
每日返工、放工都見到棵石栗嘅港大副校長徐碧美亦好唔捨得棵樹，話同佢「絕對有感情」。學生會內務副會長成曉宜亦話好可惜，「樹齡40年真係好難得，好多學生都喺樹蔭下活動過」。佢期望校方盡快種番另一棵樹。